तोलामा २२०० रुपैयाँ घट्यो सुनकाे मूल्य

काठमाडौं, ३० मंसिर । आइतबार नेपाली बजारमा सुनको मूल्य घटेको छ । गत शुक्रबारको तुलनामा सुनको मूल्य प्रतितोला २ हजार २ सय रुपैयाँले घटेको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य १ लाख ५० हजार ८ सय रुपैयाँ कायम भएको छ । गत शुक्रबार छापावाल सुन प्रतितोला १ लाख ५३ हजार रुपैयाँमा कारोबार भएको थियो ।

यस्तै आज चाँदीको मूल्य पनि घटेको छ । आज नेपाली बजारमा चाँदी प्रतितोला १ हजार ८ सय ४० रुपैयाँमा कारोबार भइरहेको छ । गत शुक्रबार चाँदी प्रतितोला १ हजार ८ सय ६० रूपैयाँमा कारोबार भएको थियो ।