फागुन २९, काठमाडौं । निर्वाचन आयोगले तय गरेको राष्ट्रियसभा अध्यक्ष पदको निर्वाचन आज हुँदै छ। बिहान ११ बजे बस्ने राष्ट्रिय सभा बैठकमा अध्यक्षको निर्वाचन हुने संघीय संसद सचिवालयले जनाएको छ । निर्वतमान अध्यक्ष गणेशप्रसाद तिमिल्सिना यही फागुन २० गते कार्यकाल सकेर बिदा भएपछि सो पदमा चुनाव हुन लागेको हो । अध्यक्ष पदकालागि काङ्ग्रेस बाट युवराज शर्मा र गठबन्धनबाट नारायण दाहालले उम्मेदवारी दर्ता गराएका छन्।
हरेक प्रदेशबाट ८-८ जना निर्वाचित सदस्य र रास्ट्रपतिबाट ३ जना मनोनयन गर्दा यसको कुल सदस्य सङ्ख्या ५९ हुन पुग्छ। उसोत यस हिसाबले ५९ सदस्यले आज मतदान गर्नुपर्ने हो। तर एमालेका एक सदस्य नहुदा आज ५८ जना सदस्यले मतदान गर्ने छन। निर्वाचनमा माओवादीका १८, एमालेका १०,एकिकृत समाजवादीका ८ र जसपाका ३ गरि ३९ सदस्यको मत गठबन्धनका उमेदवार नारायण दाहालका पक्षमा पर्ने देखिन्छ।
यता नेपाली कांग्रेसका उमेद्वार युवराज शर्माले आफ्नै पार्टीका १६ सदस्य सहित जनमोर्चाका १ र लोसपाका १ सांसदको मत पाए भने कुलमा १८ मत प्राप्त गर्ने छन् । गठबन्धनका ती सबै सांसद उपस्थित भएर पार्टीको रुलिङ मान्ने हो भने सो निर्वाचन नारायण दाहालले जित्ने निश्चित छ ।
