सहारा समाज नेपाल को आयोजनामा अक्षय तिथिको अवसर शरबत पानी र सातु वितरण

काठमाडौँ, । आज कलङ्की क्षेत्रमा सहारा समाज नेपाल को आयोजनामा अक्षय तिथिको पावन अवसर पारेर बाटो हिँड्ने बटुवाहरूलाई लक्षित गर्दै शरबत पानी र सातु वितरण कार्यक्रम सम्पन्न गरिएको छ । गर्मी मौसममा यात्रुहरूलाई राहत दिने उद्देश्यले सञ्चालन गरिएको यस कार्यक्रममा धेरै बटुवाहरूले शरबत र सातु सेवन गरेका थिए ।

संस्थाका अध्यक्ष बिना दाहाल ले यस किसिमको सेवा कार्यक्रम हरेक वर्ष निरन्तर सञ्चालन गर्दै आएको बताउँदै यसले समाजमा सेवा भावना अभिवृद्धि गर्नुका साथै धर्म र संस्कृतिको जगेर्ना हुने उल्लेख गर्नुभयो । उहाँका अनुसार, आजबाट सुरु गरिएको यो अभियान अब एक महिनासम्म सञ्चालन हुनेछ । साथै, भोलिदेखि शुद्ध खानेपानी वितरण गरी यात्रुहरूलाई थप सहज बनाइने योजना रहेको पनि जानकारी दिनुभयो।

विभिन्न व्यक्तित्वहरूको सहभागिता र सहयोग

कार्यक्रममा संस्थाका उपाध्यक्ष कृष्ण राज तिमल्सिना लगायत विभिन्न समाजसेवी तथा विशिष्ट व्यक्तित्वहरूको उपस्थिति रहेको थियो ।

त्यसैगरी समाजसेवी महेश जङ्ग कुम्बर ले कार्यक्रमलाई सहयोग स्वरूप पानीका जारहरू उपलब्ध गराउनुभएको थियो । साथै, समाजसेवी तथा लाइभ नेपाल नेटवर्क का अध्यक्ष पुष्कर राज पाण्डे को पनि कार्यक्रममा उपस्थिति रहेको थियो ।

कार्यक्रममा विभिन्न संघ–संस्थाका प्रतिनिधिहरूको समेत सहभागिता रहेको थियो भने ठूलो संख्यामा बटुवाहरूले आजको शरबत पानी सेवा उपभोग गरेका थिए । आयोजकका अनुसार, आगामी दिनहरूमा शुद्ध पानी वितरणलाई अझ व्यवस्थित बनाउँदै कार्यक्रमलाई निरन्तरता दिइनेछ ।