प्रदूषण चेकजाँचमा साझाका चार बस फेल

काठमाडौं । काठमाडौं महानगरपालिकाले गरेको चेकजाँमा साझाका चारवटा बस फेल भएका छन् । महानगरले साझाको ललितपुरस्थित कार्यालयमै पुगेर प्रदूषणको मापदण्ड चेकजाँच गर्दा चारवटा फेल भएका हुन् ।

महानगरको नगरप्रहरीका अनुसार शुक्रबार १५ वटा बसको चेकजाँच गर्दा ४ वटा प्रदूषण मापदण्डमा फेल भएका हुन् ।

फेल भएका सवारी साधनलाई मर्मत गरी पुन:सञ्चालनमा ल्याउन निर्देशन दिइएको महानगरले जनाएको छ ।

प्रदूषण चेकजाँचका लागि महानगर प्रहरी बल, वातावरण व्यवस्थापन विभाग र ट्राफिक प्रहरी पुल्चोकस्थित साझा ग्यारेजमा पुगेका थिए ।