काठमाडौं । बुङ्गल हाइड्रो लिमिटेडले सर्वसाधारणका लागि साधारण सेयर (आईपीओ) निष्काशन गरेकोमा आवेदन दिने बिहीबार अन्तिम दिन हो ।
कम्पनीले पहिलो चरणमा आयोजना प्रभावित क्षेत्रका स्थानीय बासिन्दा तथा वैदेशिक रोजगारीमा रहेका नेपालीका लागि आईपीओ निष्काशन गरेको थियो । दोस्रो चरणमा सर्वसाधारणका लागि निष्काशन गरेको हो ।
हाइड्रोले जारी पूँजी ८३ करोड रुपैयाँको ३५ प्रतिशत अर्थात २९ करोड ५ लाख रुपैयाँ बराबरको २९ लाख ५ हजार कित्ता सेयर निष्काशन गरेकाे छ ।
जसमा ८ लाख ३० हजार ८२४ कित्ता साधारण सेयर आयोजना प्रभावितलाई र २ लाख ७ हजार ५०० कित्ता सेयर विदेशमा भएकाका लागि निष्काशन गरेकाे हाे ।
यस्तै एक लाख एक हजार ७५० कित्ता सेयर सामूहिक लगानी कोषलाई र ६२ हजार २५० कित्ता सेयर कर्मचारीलाई वितरण गरिएकाे छ ।
त्यो सबै बाँडफाँड भएपश्चात सर्वसाधारण लगानीकर्ताका लागि १७ करोड एक लाख ५० हजार रुपैयाँ बराबरको १७ लाख एक हजार ५०० कित्ता साधारण सेयर निष्काशन भएकाे हाे । कम्पनीले प्रतिकित्ता १०० रुपैयाँको दरले सेयर निष्काशन गरेको छ ।
न्यूनतम १० कित्तादेखि अधिकतममा २० हजार कित्तासम्म आवेदन दिन सकिने छ । सेयर निष्काशन तथा बिक्री प्रबन्धक हिमालयन क्यापिटल लिमिटेड नियुक्त भएको छ ।
