विपिनको आत्मालाई शान्ति मिलोस् : इजरायली पूर्व राजदूत हानान

काठमाडौं। नेपालका लागि इजरायली पूर्व राजदूत हानान गोदारले हमासको अपहरणमा परेका विपिन जोशी अब हामीबीच नरहेको जनाएका छन् ।

उनले सामाजिक सञ्जाल फेसबुकमार्फत सन् २०२३ मा विपिन इजरायल जाँदै गर्दाको तस्बिर सार्वजनिक गर्दै दुई वर्षदेखिको आशा समाप्त भएको उल्लेख गरेका छन् ।

विपिन इजरायल जानुअघि नेपालमै भेट्ने अवसर पाएको जनाउँदै उनले उनी एक ऊर्जावान, आकर्षक र क्षमतावान विद्यार्थी भएको स्मरण गरेका छन् ।

उनले विपिनले आफ्नो परिवार, समुदाय र देशका लागि केही राम्रो गर्न चाहन्थे भन्ने उल्लेख गरेका छन् ।

पूर्व राजदूत हानानले विपिनको आत्मालाई शान्ति मिलोस् भन्ने कामना गर्दै सँधै सम्झिरहने बताएका छन् ।

।