काठमाडौं । बालबालिकाको सर्वाङ्गीण विकासलाई केन्द्रमा राख्दै गुणस्तरीय प्रारम्भिक शिक्षा प्रदान गर्दै आएको एकलव्य भिजन आर्ट इन्स्टिच्युट एण्ड चाइल्डहुड एजुकेसन सेन्टर प्रा.लि. ले एक विशेष शैक्षिक तथा स्वास्थ्य सचेतनामूलक कार्यक्रम सफलतापूर्वक सम्पन्न गरेको छ।
स्वास्थ्य र शिक्षाको संगमः ॐ समाज डेण्टलसँग :
कार्यक्रमको मुख्य आकर्षणका रूपमा एकलव्य भिजन आर्ट इन्स्टिच्युट र ॐ समाज डेण्टल अस्पतालबीच औपचारिक समझदारी पत्र (ःइग्) मा हस्ताक्षर भएको छ। समझदारीमाः
अस्पतालको तर्फबाटः सबिना पपन गुरुङ र सामाजिक अभियन्ता तथा अस्पतालका बोर्ड सदस्य राजन थापाले गेरका थिए ।
विद्यालयको तर्फबाटः व्यवस्थापन निर्देशक कृष्ण राज तिमल्सिना र अध्यक्ष अनिल बिष्टले हस्ताक्षर गर्नुभयो।
यस सम्झौताले आगामी दिनमा विद्यार्थीहरूको स्वास्थ्य र शिक्षाका लागि दुवै संस्थाबीच निरन्तर सहकार्य हुने सुनिश्चित गरेको छ ।
मिडिया र सरोकारवालाहरूको सक्रिय भूमिका
कार्यक्रमलाई लाइभ नेपाल नेटवर्क प्रा.लि. र डिजिटल आइसिटी मिडियाले विशेषसहयोग र सहकार्य गरेका थिए ।
लाइभ नेपाल नेटवर्कका संचालक पुष्कर राज पाण्डेले कार्यक्रममा बोल्दै उहाँले विद्यालयका विद्यार्थीहरू, विशेषगरी मन्टेसरीका साना बालबालिकाहरूका लागि यस्ता स्वास्थ्य कार्यक्रम अत्यन्तै महत्त्वपूर्ण हुने बताउनुभयो। उहाँले आगामी दिनमा पनि यस्ता रचनात्मक कार्यमा संस्थाको पूर्ण साथ र सहयोग रहने प्रतिबद्धता व्यक्त गर्नुभयो ।
नागरिकपोस्टका सम्पादक सावित्री बस्नेत (साबु) ले दाँत मानिसको जीवनको अभिन्न अंग भएको चर्चा गर्दै सानै उमेरदेखि यसको सुरक्षा र सचेतना आवश्यक रहेकोमा जोड दिनुभयो। यस्ता सामाजिक र स्वास्थ्यमूलक समाचारलाई मिडियाले प्राथमिकताका साथ गाउँ–गाउँसम्म पु¥याउनुपर्ने र आफूले सधैं प्रोत्साहन गर्ने बताउनुभयो।
स्वास्थ्य परीक्षण र सम्मान
कार्यक्रममा ॐ समाज डेण्टल अस्पतालका तर्फबाट डा. दीक्षा चौधरी, सबिना दवाडी र सहायक जुनु पण्डितको टोलीले बालबालिकाको दन्त परीक्षण र सचेतना प्रदान गरेको थियो।
कार्यक्रमको अन्त्यमा, विद्यालय व्यवस्थापन निर्देशक कृष्ण राज तिमल्सिनाले सहभागी प्राविधिकहरू, चिकित्सकहरू र सञ्चारकर्मीहरूलाई खादा, माला तथा मायाको चिनो प्रदान गरी सम्मान गर्नुभएको थियो। उहाँले स्वास्थ्य र सञ्चार क्षेत्रको सहयोग बिना यस्ता कार्यक्रम सफल नहुने भन्दै सबैप्रति आभार व्यक्त गर्नुभयो।
विद्यालयको वस्तुस्थिति
हाल यस संस्थामा २५४ जना विद्यार्थी अध्ययनरत छन् भने २५ जना दक्ष शिक्षक–शिक्षिका कार्यरत छन्। अध्यक्ष अनिल बिष्टको नेतृत्व, प्रिन्सिपल शोभा थापाको मार्गदर्शन र कोर्डिनेटर बिनु पौडेलको सक्रियतामा विद्यालयले चित्रकला, संगीत, र नृत्य जस्ता सृजनात्मक गतिविधिमार्फत बालबालिकाको आत्मविश्वास बढाइरहेको छ।
