काठमाडौँ । वाणिज्य बैंकले चैत महिनाका लागि नयाँ ब्याजदर सार्वजनिक गरेका छन् ।
फागुनको तुलनामा चैतमा मुद्दती निक्षेपको औसत ब्याजदरमा केही गिरावट आएको छ । फागुनमा व्यक्तिगततर्फ औसत ४.५६ प्रतिशत रहेको ब्याजदर चैतमा ४.४९ प्रतिशतमा झरेको छ । हाल सञ्चालनमा रहेका २० वाणिज्य बैंकमध्ये ६ वटाले ब्याजदर घटाएका हुन्।
बाँकी १४ बैंकले फागुनकै दरलाई निरन्तरता दिएका छन् । चैत महिनामा एनएमबी, एनआईसी एसिया, हिमालयन र राष्ट्रिय वाणिज्य बैंकले व्यक्तिगत मुद्दतीमा सबैभन्दा बढी ५ प्रतिशत ब्याजदर दिने भएका छन् ।
सबैभन्दा कम ब्याजदर दिनेमा स्ट्याण्डर्ड चार्टर्ड बैंक देखिएको छ । चार्टर्डले ४.११ प्रतिशत ब्याजदर दिनेछ ।
बैंकअनुसार व्यक्तिगत र संस्थागत ब्याजदरको विवरण फरकफरक राखेका छन् । एनएमबी बैंक, हिमालय, राष्ट्रिय वाणिज्य र एनआईसी एसियाले व्यक्तिगत दर ५ प्रतिशत राख्दा संस्थागत ४ प्रतिशत बनाएका छन् ।
नबिल बैंकले व्यक्तिगत ४.५५ राख्दा संस्थागत ३.५५ प्रतिशतथ कायम गरेको छ भने प्रभु बैंकले ४.५५ व्यक्तिगत राख्दा २.७५ प्रतिशत संस्थागत बनाएको छ ।
ग्लोबल आइएमई, लक्ष्मी सनराइज बैंक, नेपाल बैंक, माछापुच्छ्रे बैंक । नेपाल बैंकले व्यक्तिगत ४.५ प्रतिशत राख्दा ३ संस्थागत दर कायम गरेका छन् ।
