बेन्जामिन नेतान्याहु। तस्बिर : बिबिसी
काठमाडौं । इजरायलका प्रधानमन्त्री बेन्जामिन नेतन्याहूले सामाजिक सञ्जालमा फैलिएको आफ्नो मृत्युसम्बन्धी हल्लालाई अस्वीकार गरेका छन्।
बिहीबार राति आयोजित पत्रकार सम्मेलनको सुरुवातमै उनले भने, ‘म सबैभन्दा पहिले भन्न चाहन्छु कि म जिउँदै छु र तपाईंहरू यसका साक्षी हुनुहुन्छ।’ उनले आफूबारे फैलाइएका ‘फेक न्युज’को खण्डन पनि गरे।
नेतन्याहूले थपे, ‘राष्ट्रपति डोनाल्ड ट्रम्पको नेतृत्वमा अमेरिका र इजरायलले आफ्नो अभियानलाई निकै मजबुत रूपमा अघि बढाइरहेका छन्।’
यसअघि मार्च १३ मा नेतन्याहूको एक्स (ट्विटर) खाताबाट सार्वजनिक गरिएको भिडियोबारे पनि सामाजिक सञ्जालमा विवाद भएको थियो। उक्त भिडियोमा उनले इरानको आक्रमणबारे जानकारी दिएका थिए। तर केही प्रयोगकर्ताले उक्त भिडियो एआईबाट बनाइएको भन्दै नेतन्याहूको मृत्यु भइसकेको दाबी गरेका थिए।
यसपछि इजरायली प्रधानमन्त्री कार्यालयले विज्ञप्ति जारी गर्दै नेतन्याहुको मृत्यु सम्बन्धी सबै दाबी गलत भएको स्पष्ट पारेको थियो।
