‘नबिल निःशुल्क जलन उपचार शिविर’बाट १९४ जनाले लिए सेवा

काठमाडौं । सुर्खेतस्थित प्रदेश अस्पतालमा सञ्चालन गरिएको ‘नबिल निःशुल्क जलन उपचार शिविर’बाट १९४ जना बिरामीले उपचार तथा परामर्श सेवा पाएका छन्।

प्रदेश अस्पताल सुर्खेत र नबिल बैंकको संयुक्त आयोजनामा तथा फेक्ट नेपालको प्राविधिक सहयोगमा गत चैत २७ गतेदेखि तीन दिनसम्म शिविर सञ्चालन गरिएको थियो।

शिविरमा आएका ३९ जना बिरामीको वरिष्ठ चिकित्सकबाट शल्यक्रिया गरिएको नबिल बैंकले जनाएको छ। जटिल अवस्थाका एक जना बिरामीलाई थप उपचारका लागि काठमाडौंको कीर्तिपुर अस्पतालमा रिफर गरिएको छ।

लामो समयदेखि उपचार तथा शल्यक्रियाको पर्खाइमा रहेका र आर्थिक रूपमा कमजोर बिरामीहरूले शिविरमार्फत निःशुल्क सेवा पाएको आयोजकले जनाएको छ।