रसुवा विपद्: यी हुन् सम्पर्कविहीन १९४ जना (सूचीसहित)

काठमाडौँ – रसुवा जिल्लामा आएको विनाशकारी बाढी र पहिरोपछि ठूलो सङ्ख्यामा स्थानीय नागरिक, कर्मचारी, मजदुर तथा तीर्थयात्रीहरू सम्पर्कविहीन भएका छन्। सरकारको आधिकारिक एकीकृत निकाय ‘हेलो सरकार’को टेलिफोन उजुरी अनुसार हालसम्म कम्तीमा १९४ भन्दा बढी व्यक्तिहरू सम्पर्कविहीन रहेको विवरण सङ्कलन भएको छ।

प्राप्त विवरण अनुसार विशेष गरी टिमुरे भन्सार क्षेत्र, घट्टेखोला, मैलुङ, स्याफ्रुबेँसी, रसुवागढी तथा विभिन्न हाइड्रोपावर आयोजना स्थलहरूबाट ठूलो सङ्ख्यामा मानिस हराएका हुन्।

सम्पर्कविहीन हुनेहरूमा रसुवागढी, अपर त्रिशूली (२१६ मेगावाट), त्रिशूली ३ बी, लाङटाङ खोला तथा फेवा हाइड्रोपावरमा कार्यरत इन्जिनियर, ओभरसियर र मजदुरहरू रहेका छन्। हेलो सरकारमा प्राप्त उजुरी अनुसार रसुवा २१६ हाइड्रोपावरको सुरूङ मार्गभित्र मजदुरहरू थुनिएको र उद्धारको पर्खाइमा रहेको पाइएको छ।

त्यस्तै, टिमुरे भन्सारमा कार्यरत नायब सुब्बा चण्डिलाल गेलाल, नेपाल प्रहरी तथा नेपाली सेनाका सुरक्षाकर्मी, अध्यागमन अधिकृत यादव भण्डारी, र विभिन्न बैंक तथा विद्यालयका कर्मचारी समेत बिहानदेखि सम्पर्कविहीन छन्।

गोसाइँकुण्ड र मानसरोवर यात्राका लागि गएका तीर्थयात्रीका समूहहरू समेत बाटोमै सम्पर्कविहीन भएका छन्। गोरखाबाट गोसाइँकुण्ड गएको बस, रुपन्देहीबाट गएको २० जनाको टोली तथा मानसरोवरतर्फ जाँदै गरेका भारतीय नागरिक (अल्फा समिर कारखानिस) र अन्य विभिन्न १६ जनाको टोलीसँग पनि सम्पर्क विच्छेद भएको निवेदन परेको छ।

त्यस्तै, टिमुरे, बेत्रावती र स्याफ्रुबेँसी आसपासका क्षेत्रमा महेश डंगोल लगायतका घाइतेहरू उद्धारको पर्खाइमा रहेको र केही स्थानमा उद्धारका लागि तत्काल हेलिकप्टर पठाउन आफन्तहरूले आग्रह गरेका छन्। सम्पर्कविहीन व्यक्तिका आफन्तहरूले हेलो सरकारमार्फत गृह प्रशासनलाई खोजी तथा उद्धार कार्यलाई तीव्र बनाउन जोडदार माग गरेका छन्।

बेपत्ता भएका नागरिकको विवरण