जेठ २७, काठमाडौं ।नेपाल रिकन्डिसन अटो व्यावसायी संघको दोश्रो राष्ट्रिय अधिवेशनबाट अध्यक्षमा रमेश कोइराला निर्वाचित भएका छन् । शनिबार काठमाडौंमा सम्पन्न भएको नेपाल रिकन्डिसन अटो व्यवसायी संघको उक्त अधिवेशन एवं संघको सातौ र आठौ वार्षिक साधारण सभाबाट अध्यक्षमा कोईराला विजयी भएका हुन्। यो जित संगै कोईरालाले उक्त अटो व्यवसायी संघको दोस्रो पटक नेतृत्व गर्दै छन् ।
दुई वर्ष प्रश्चात हुँदै गरेको सो अधिबेशन मा उम्वेद्वार बिच सहमति नजुटे पछी अधिवेशन निर्वाचन प्रक्रिया मा गयको थियो। अधिवेशनमा वर्तमान अध्यक्ष रमेश कोइराला र निवर्तमान बरिस्ठ उपाध्यक्ष कुमार चिमुरियाको दुई प्यानल बिच सहमति नजुटेपछि चुनाब मा होमिएका थिए। १ सय ३९ जना मतदाता सम्मिलित उक्त निर्वाचनमा कोईरालाको पक्षमा ८२ मत खसेको थियो भने उनका प्रतिद्वन्दी चिमोरिया को पक्षमा ५५ मत खसेको थियो। २ मत बदर हुदा समेत अध्यक्ष कोइराला २७ मतको अग्रता साथ विजयी बनेका थिए।
रमेश कोईरालाको अध्यक्षतामा निर्वाचित प्यानल कार्यसमिति अन्तर्गत वरिष्ठ उपाध्यक्षमा राजकुमार देवकोटा, उपाध्यक्षमा प्रविन लामिछाने, महासचिवमा कुमार बोगटी, सचीवमा डुक्पा घले,अमित अधिकारि र कोषाध्यक्षमा प्रदिप राना मगर साथै सह कोषाध्यक्षमा राजेन्द्रमान श्रेष्ठ लगायत ७ सदस्य निर्वाचित भएका थिए।
