आज नोभेम्बर २५ अर्थात् आज ४५औं अन्तर्राष्ट्रिय महिला हिंसा अन्त्य दिवस । ‘हरेक १० मिनेटमा एकजना महिलाको हत्या हुन्छ, यसको विरुद्ध आवाज उठाऔं’ भन्ने नाराका साथ यस दिवस मनाइदैछ ।
डोमिनिकन रिपब्लिकमा तत्कालीन समयमा त्यहाँका तानाशाह राफेल ट्रलिजाले तीन महिला अधिकारकर्मीलाई क्रूर तरिकाले हत्या गर्ने निर्देशन दिएका थिए ।
उनको निर्देशनअनुसार तीन मिराबल दिदीबहिनीको हत्या भएको थियो । तिनै दिदीबहिनीको सम्झना स्वरुप आज अन्तर्राष्ट्रिय महिला हिंसा अन्त्य दिवसका रूपमा मनाउन थालिएको हो । सन् १९८१ देखि यो दिवस मनाउन थालिएको हो ।
यस वर्षको नारा चाहिँ ‘एभ्रि टेन मिनेटस् अ वुमन इज किल्ड, नो एक्सक्युज’ हो । महिला हिंसाको अनेक अनुहारहरू भनेर यस वर्ष महिला हिंसाका प्रकार र प्रकृतिहरूलाई विशेष केन्द्रमा राखिएको छ ।
७ फेब्रुअरी २००० मा संयुक्त राष्ट्र संघको महासभाले पनि २५ नोभेम्बरलाई अन्तर्राष्ट्रिय महिला हिंसा अन्त्य दिवसका रूपमा मनाउन औपचारिक रूपमा सुरुवात गरेको हो । महिला हिंसा अन्त्य दिवस आजको दिन मनाउने गरिए पनि यो १६ दिनसम्म चल्ने अभियान हो । यो आजदेखि डिसेम्बर १० सम्म सञ्चालन हुन्छ ।
विश्व पितृसत्ता नेतृत्वमा सञ्चालित छ । महिला हिंसा बाहिर मात्र होइन, घरेलु हिंसाका रूपमा पनि रहेको छ । यसको अन्त्य आजको समाज र विश्वको आवश्यकता हो ।
