काठमाडाैं, २९ पुस । माघ महिनामा अधिकांश वाणिज्य बैंकहरूले निक्षेपको ब्याजदर यथावत राखेका छन् । आज सार्वजनिक गरेको ब्याजदरमा माघका लागि केही बैंकले ब्याजदर घटाएका छन् । केही बैंकले ब्याजदर बढाउँदा अधिकांशले पुसकै ब्याजदरलाई निरन्तरता दिएका छन् ।
२० बैंकहरुमध्ये १७ वाणिज्य बैंकहरुले व्यक्तिगत मुद्दती निक्षेपको अधिकतम ब्याजदरमा पुस महिनाकै ब्याजदरलाई निरन्तरता दिएका छन् । बाँकी दुई वटाले घटाएका छन् भने १ वटा बैंकले बढाएको छ ।
नेपाल एसबिआई बैंक र लक्ष्मी सनराइज बैंकले ब्याजदर बढाएका छन् भने कृषि विकास बैंकले घटाएकाे छ ।
लक्ष्मी सनराइज बैंकले माघका महिनाका लागि व्यक्तिगततर्फ ब्याजदर बढाएको छ । पुसमा ५.५ प्रतिशत रहेको ब्याजदर माघमा बढाएर ५.७५ प्रतिशत पुर्याएको छ । संस्थागततर्फ भने ४.५ प्रतिशत अर्थात् पुस महिनाकै ब्याजदरलाई निरन्तरता दिएको छ ।
यस्तै कृषि विकास बैंकले माघ महिनाका ब्याजदर घटाएको छ । पुसमा ५.५७ प्रतिशत रहेकाे व्यक्तिगत मुद्दतीतर्फकाे ब्याजदर कृषि विकास बैंकले माघ महिनाका लागि ५.५१ प्रतिशत ब्याजदर तोकेको छ ।
यस्तै नेपाल एसबीआई बैंकले पुसमा व्यक्तिगततर्फ ६ प्रतिशत र ५ प्रतिशत ब्याजदर तोकेकोमा माघका लागि व्यक्तिगततर्फ ५.५ प्रतिशत र संस्थागततर्फ ४.५ प्रतिशत ब्याजदर तोकेको छ ।
यस्तै माघ महिनाका लागि राष्ट्रिय वाणिज्य बैंकले व्यक्तिगततर्फ ६ र संस्थागततर्फ ३.५ प्रतिशत, नेपाल बैंकले व्यक्तिगततर्फ ५.६ प्रतिशत र संस्थागततर्फ ४.१५ प्रतिशत, एनआईसी एशिया बैंकले व्यक्तिगततर्फ ६.६ प्रतिशत र संस्थागततर्फ ५.६ प्रतिशत, एनएमबि बैंकले व्यक्तिगततर्फ ६.६ प्रतिशत र संस्थागततर्फ ५.६ प्रतिशत, प्रभु बैंकले व्यक्तिगततर्फ ६.१ र संस्थागततर्फ ५.१ प्रतिशत, सिद्धार्थ बैंकले व्यक्तिगततर्फ ६ प्रतिशत र संस्थागततर्फ ५ प्रतिशत, सानिमा बैंकले व्यक्तिगततर्फ ६ दशमलव ५ प्रतिशत र संस्थागततर्फ ४.३ प्रतिशत, प्राइम कमर्सियल बैंकले व्यक्तिगततर्फ ६.२५ प्रतिशत र संस्थागततर्फ ४ प्रतिशत ब्याजदर तोकेको छ ।
