काठमाडौं– गत बुधबार गएको बाढीको चार दिनपछि राष्ट्रिय स्वतन्त्र पार्टी (रास्वपा)का सभापति रवि लामिछाने एकाएक सक्रिय भएका छन्। वालेन्द्र शाह नेतृत्वको संघीय सरकारले प्रदेश र स्थानीय सरकारसँग समन्वय नगरेको गुनासोबीच रविले सक्रियता बढाएका हुन्।
आइबार एकसाथ उनले बाढी प्रभावित रसुवा, नुवाकोट र धादिङका जनप्रतिनिधिहरूसँग टेलिफोन संवाद गरेका छन्। उनले उक्त संवादमा संघीय सरकारले समन्वय नगरेको अवस्थामा आफूले कुरा गरेर वातावरण बनाउने बताए ।
उनले आइतबार गरेको उक्त संवादका क्रममा स्थानीय सरकारका प्रमुखहरूले संघीय सरकारले राहत तथा उद्धारमा समन्वय नगरेको, प्रमुख जिल्ला अधिकारी र सुरक्षा प्रमुखले नटेरेको जस्ता गुनासो राखेका थिए ।
स्थानीय तहका प्रमुखसँगको संवादपछि रविले आइतबार दिउँसो बागमती प्रदेशका मुख्यमन्त्री किरण थापालाई बनस्थलीस्थित कार्यालयमै बोलाएर संवाद गरेका छन्।
