काठमाडौं । (बी.एन.एकेडेमी) ले आज विद्यालय परिसरमा विविध कार्यक्रमसहित ‘बी.एन.ए मेला’ भव्य रूपमा सम्पन्न गरेको छ । विद्यार्थीहरूको प्रतिभा प्रस्फुटन, अभिभावक–शिक्षक–विद्यार्थीबीच आपसी सम्बन्ध सुदृढीकरण तथा सिकाइ प्रक्रियालाई थप प्रभावकारी बनाउने उद्देश्यले मेला आयोजना गरिएको विद्यालयले जनाएको छ ।
मेलामा साइन्स एन्ड कल्चर एक्जिबिसन, आर्ट एन्ड क्राफ्ट प्रदर्शनी, फेस पेन्टिङ, डान्स, सांगीतिक प्रस्तुति, किड्स प्ले जोन, बुक स्टल, विविध इन्टरटेनमेन्ट गेम्स स्टल, बाउन्स हाउस, हिट द किक, हिट द क्यान–फिड द जोकर जस्ता खेलहरू समावेश थिए । साथै फुड स्टलतर्फ मोमो, पानीपुरी, आइसक्रिम, कटन क्यान्डी र पपकर्न लगायतका परिकारले मेलालाई थप आकर्षक बनाएको थियो ।
विद्यालयका प्रिन्सिपल तथा प्रधानाध्यापक टंक कुमार चापागाईले यस्ता कार्यक्रमले अभिभावक, विद्यार्थी र शिक्षकबीच आत्मीयता बढाउने विश्वास व्यक्त गर्दै विद्यालयले सिकाइसँगै सह–पाठ्यक्रम गतिविधिलाई पनि उत्तिकै महत्व दिनुपर्ने आवश्यकता औंल्याउनु भयो ।
कार्यक्रमका संयोजक सन्तोष फुयालले मेलाले विद्यार्थीभित्र लुकेका विविध प्रतिभा उजागर गर्न महत्वपूर्ण भूमिका खेलेको बताउँदै यस्ता गतिविधिले विद्यार्थीलाई मानसिक रूपमा ताजगी (रिफ्रेसमेन्ट) प्रदान गर्ने धारणा राख्नुभयो ।
विद्यालयका संस्थापक गोपाल चापागाईंले यस्ता कार्यक्रमले विद्यालय परिवारलाई एउटै सूत्रमा बाँध्न सहजीकरण गर्ने उल्लेख गर्दै आगामी दिनमा पनि यस्ता सिर्जनात्मक कार्यक्रमलाई निरन्तरता दिने प्रतिबद्धता व्यक्त गर्नुभयो ।
त्यस्तै, Apex Kids Montessori की प्रमुख शान्ति देवी शर्माले सिक्ने र सिकाउने प्रक्रियालाई व्यवहारिक र रमाइलो बनाउने कार्यमा बी.एन.ए मेलाले सकारात्मक योगदान पु¥याएको बताउनुभयो ।
अतिथि सान्ता दाहालले मेलालाई प्रशंसनीय पहलको रूपमा व्याख्या गर्दै यसले बालबालिकाको मस्तिष्क विकासमा सहयोग पुग्ने धारणा राख्नुभयो । सामाजिक अभियन्ता तथा मिडिएटर कृष्ण सापकोटाले पनि यस्ता कार्यक्रम वर्तमान शैक्षिक परिवेशमा अत्यन्त आवश्यक रहेको बताउँदै विद्यालयको प्रयास सराहनीय रहेको टिप्पणी गर्नुभयो ।
मेलामा विद्यार्थीहरूले आफैंले तयार पारेका विभिन्न कलात्मक सामग्री तथा सिर्जनात्मक परियोजनाहरू प्रदर्शन गरेका थिए । उनीहरूले आफ्ना प्रस्तुति र विचार सार्वजनिक रूपमा राख्दै आत्मविश्वास अभिवृद्धि गरेका थिए ।
कार्यक्रमप्रति विद्यार्थीहरूले उत्साहजनक सहभागिता जनाउँदै यस्ता सिर्जनात्मक तथा मनोरञ्जनात्मक गतिविधि समय–समयमा आयोजना गरिरहनुपर्ने माग समेत राखेका थिए ।
विद्यालयको यो पहलले शैक्षिक वातावरणलाई थप जीवन्त र रचनात्मक बनाएको अभिभावकहरूले समेत प्रतिक्रिया दिएका छन् ।
