झण्डै १४ वटा फुटबल मैदान आकारमा बनेको छ चीन-नेपाल सीमामा ताल

काठमाडौं । भोटेकोशीको चीन-नेपाल सीमामा गएको पहिरोका कारण बनेको ताल १४ वटा फुटबल ग्राउन्ड बराबरको क्षेत्रफलमा रहेको चिनियाँ समाचार माध्यम सिजिटिएनले जनाएको छ । तर, सिजटिएनले पहिलो ताल भने नियन्त्रणमा आइसकेको पनि उल्लेख गरेको छ ।

तर, सोही स्थानभन्दा करिब ५ किलोमिटर माथिल्लो तटीय क्षेत्रमा दोस्रो ताल पनि फेला परेको उक्त सञ्चार माध्यमले जनाएको छ ।

केरुङ क्षेत्रमा जारी उद्धार कार्यलाई थप प्रभावकारी बनाउन चीनले आफ्नो अत्याधुनिक भूउपग्रह प्रविधिको समेत प्रयोग गरिरहेको पनि समाचारमा उल्लेख छ ।