सुवास नेम्वाङको निधनले स्तब्ध भएँ : पूर्वराष्ट्रपति भण्डारी

काठमाडौं । पूर्वराष्ट्रपति विद्यादेवी भण्डारीले संविधानसभा अध्यक्ष तथा एमाले उपाध्यक्ष सुवास नेम्वाङको निधनले स्तब्ध भएको बताएकी छन् । मृदुभाषी, शालीन व्यक्तित्वका धनी, समन्वयकारी गुण भएका नेम्वाङको निधनले सिङ्गो पार्टी र राष्ट्रलाई अपूरणीय क्षति पुगेको भण्डारीले बताइन् ।

नेम्वाङ  प्रति श्रद्धाञ्जली अर्पण गर्दै उनले शोकाकुल परिवारजन र पार्टी परिवारमा गहिरो समवेदना व्यक्त गरिन् ।  सामान्य रुघाखोकी लागेर घरमा आराम गरिरहेका नेम्वाङलाई गए राति हृदयाघात भएपछि  उपचारका लागि  त्रिवि शिक्षण अस्पतालमा पुर्‍याउने वित्तिकै  चिकित्सकहरुले नेम्वाङको निधन भएको घोषणा गरेको  थिए ।