३ मङसिर, काठमाडौं । नेपाल पुस्तक तथा स्टेसनरी व्यवसायी महासङ्घ र करेन्ट मिडिया एन्ड रिसर्च सेन्टर प्रा. लि. को संयुक्त आयोजनामा रिपोर्टस क्लब नेपालमा भएको पत्रकार सम्मेलनले यहि मिति २०८० मङसिर ५ देखि ९ गते सम्म काठमाडौं को भृकुटिमण्डपमा “दक्षिण एसिया अन्तर्राष्ट्रीय पुस्तक प्रदर्शन २०२३” हुने भएको छ ।
दक्षिण एसिया अन्तर्राष्ट्रीय पुस्तक प्रदर्शन २०२३ को यहि मङसिर ५ गते दिउसो १ बजे सम्माननीय प्रधानमंत्री पुष्पकमल दाहाल प्रचण्डबाट हुने समुद्घाटन समारोहमा चीन र भारतका महामहिम राजदूत लगायत कुटनीतिक निकायका विशिष्ट व्यक्तित्वहरुको गरिमामय उपस्थिति रहने भएको छ ।
पत्रकार सम्मेलनमा दक्षिण एसिया क्षेत्रका विभिन्न देश लगायत अमेरिका, इजिप्ट आदि देशसहित १५ भन्दा बढी देशका प्रकाशक, उत्पादक तथा वितरकहरूको सहभागिता रहने उक्त कार्यक्रम मा चाइना इन्टरनेशनल बुक टेडिङ कर्पोरेशनलाई विशेष अतिथिका रूपमा आमन्त्रण गरिने महासङ्घका महासचिव शिवसागर शर्माले जानकारी गराए ।
शर्माले भने,देशभर पुस्तक, मसलन्द,स्टेसनरी तथा स्पोर्टजस्ता शैक्षिक सामग्रीहरूको करिब बिस हजार भन्दा बढी व्यवसायिहरूको छाता सङगठनको रूपमा रहेको महासङघको यस महोत्सवमा १८० भन्दा बढी स्टलहरु देश तथा विदेशका विभिन्न उत्पादनहरू प्रदर्शन मा रहने छन् ।
पत्रकार सम्मेलनमा नेपाल पुस्तक तथा स्टेसनरी व्यवसायी महासङ्घका अध्यक्ष सञ्जयकुमार चौधरी, विशिष्ट उपाध्यक्ष दिवाकर घिमिरे, उप महासचिव यमलाल लोवनी, सचिव विष्णु प्रसाद पौडेल तथा महासंघकै पूर्व अध्यक्ष नवनिधि पन्त लगायत अन्य व्यक्तिहरुको उपस्थिति रहेको थियो ।
