पुष १, काठमाडौं । जुम्ला जिल्लाको तातोपानी र चन्दननाथ नगरपालिकाका १३ गाउँमा विद्युत् लाइन पुगेपछि नियमित टेलिफोन सेवा सञ्चालनमा आएको तातोपानी-४ का वडाध्यक्ष अमर रोकायाले जानकारी गराए।
आकाशमा बादल लाग्ने बित्तिकै टेलिफोन सेवा बन्द हुने गरेको थियो तर विद्युत लाइन टेलिफोन टावरमै जडान भएपछि अहिले सहज भइरहेको छ उनले भने, गत मंसिर २८ गतेदेखि जस्तो सुकै समस्या आएपनि टावर नजाने र अब बेलुकीको समयमा मोवाइल नेटवर्क बिच्छेद हुने समस्याको दिगो समाधान भएको छ ।
विद्युत जडान भएपछि तातोपानी ४ का नियापानी,गिडिखोला, पर्थेनी, पाण्डेबाडा र चन्दननाथ नगरपालिकाका जातिभिड, उमखोला, स्यालबाडा, रोकायावाडा, तलिउम, उमगाढ, श्रीढुष्का, खल्ला,सिलाम गाउले सहजै रुपमा टेलिफोन सेवा पाएका छन्।
गाउँपालिका-४ ले गत आर्थिक वर्षमा वडामा गएको बजेट शीर्षकबाट ६ लाख रुपैयाँ र नेपाल टेलिकम प्रादेशिक निर्देशनालय सुर्खेतबाट ९ लाख ९६ हजार ४ सय २५ रुपैयाँ पैसा गरेर जम्मा १५ लाख ९६ हजार ४ सय २५ रुपैयाँ ६६ पैसाबाट टेलिफोन टावरसम्म बिजुली जडान गरिएको छ ।
