पुष २, काठमाडौं । कैलाली जिल्लाको लम्कीमा सांगीतिक महोत्सव तथा व्यापार मेला २०८० पौष ५ गते बाट सुरु हुने भएको छ । उक्त महोत्सवको उद्घाटन सुदुरपश्चिम प्रदेशका मुख्य मन्त्री कमल बहादुर शाहाले गर्ने आयोजक टीमले बताएको छ ।
उक्त महोत्सवमा मुख्य आकर्षणका रुपमा सुदुरपश्चिमलाई चिनाउने चर्चित धार्मीक तथा पर्यटकीय स्थलहरु जस्तै घोडाघोडी ताल, टीकापुर पार्क, कर्णाली चिसापानी पुल, राजकाँडा, चन्द्रमौलेश्वर धाम, बैजनाथ धाम, रामारोशन पाटन लगायतका चर्चीत स्थान हरुको प्रत्यक्ष दृश्य अवलोकन गर्न सकीने स्रोतले बताएको छ ।
उक्त महोत्सव २०८० पौस ५ देखी १६ गते सम्म चल्ने आयोजक टीमको दाबी छ । विभिन्न विधाका चर्चित राष्ट्रिय कलाकारहरुले आफ्नो प्रस्तुति राख्नुका साथै स्थानीय स्तरका कलाकारहरुको समेत बेजोड प्रस्तुति रहने छन्। साथै सुदुरपश्चिम प्रदेश झल्कीने बिभिन्न साँस्कृतिक कार्यक्रम तथा पहिरन अवलोकन गर्न पाईने जानकारी दिएका छन्।
महोत्सव बाट संकलीत रकमले सामुदायिक रेडियो पश्चिम आवाजको निर्माणधिन भवनलाई पुर्णता दिनुका साथै जाजरकोटका भुकम्प पिडीतलाई सहयोग गरिने महोत्सवका मुल आयोजक समितीका संयोजक खडानन्द सापकोटाले जानकारी दिएका छन्।
