व्यवसायी दुर्गा प्रसाईं नेतृत्वको काठमाडौँमा शक्ति प्रदर्शन

फागुन १, काठमाडौं । व्यवसायी दुर्गा प्रसाईं नेतृत्वको राष्ट्र, राष्ट्रियता, धर्म, संस्कृति र नागरिक बचाऊ महाअभियान नेपालले मंगलबार काठमाडौँमा शक्ति प्रदर्शन गरेको छ । प्रसाईंले काठमाडौँको टुँडिखेलमा कार्यक्रम गर्ने तयारी गरे पनि उक्त स्थान खाली नभएपछि जिल्ला प्रशासन कार्यालय काठमाडौँको अनुमति लिएर भृकुटीमण्डपस्थित खुला चौरमा कार्यक्रम गरेको हो ।

अभियानको वार्षिक उत्सव कार्यक्रममा उनले पूर्व राजा ज्ञानेन्द्र शाहलाई पनि सहभागी गराउने दाबी गरेका थिए । तर, शाह भने यति बेला चितवनमा रहेका छन् । उनी कार्यक्रममा सहभागी हुने छैनन् ।कार्यक्रममा काठमाडौँका विभिन्न सात स्थानबाट र्‍याली गर्दै सभा स्थलमा भेला गरिएको छ ।