सांसद सपकोटा द्वारा राप्रपा भित्र द्वेध चरित्र भएको आरोप

फागुन १३, काठमाडौं । नेकपा माओवादी केन्द्रका सांसद माधव सपकोटाले राष्ट्रिय प्रजातन्त्र पार्टी (राप्रपा) भित्र द्वेध चरित्र भएको आरोप लगाएका छन् । आईतवार संघिय संसदको बैठकमा विशेष समय लिएर बोलेका सांसद सापकोटाले यस्तो बताएका हुन् ।
उनले राष्ट्रिय प्रजातन्त्र पार्टी राप्रपाका सांसदले अवसर पाउदा मन्त्री पनि हुनेगरेको, संसदले प्रदानगर्ने सेवा पनि लिदै आएको तर बदलामा भने सोहि व्यवस्था विरुद्ध बोल्दै आएको बताएका हुन् ।

साप्कोटाले संसदभित्र सांसदहरुले चाहिने भन्दा धेरै व्यवस्थाबारे बोल्दै आएको कुरा समेत जिकिर गरेका छन् । “यो व्यवस्थामा भएका सिमा र कम्जोरीहरुका बारेमा संसदमा भित्र मज्जाले बहस र छलफल गर्न सकिन्छ । तर यो व्यवस्थाका बारेमा संविधान भन्दा माथि गएर संविधानकै ध्वंस हुने गरि बहस गर्ने अधिकार कसैलाई छैन”,उनले भने ।

विशेष समयको माग राखेर सभामुखबाट ७ मिनेटको समय पाएका सांसद सापकोटाले संविधान र गणतन्त्र व्यवस्थाको विकल्प राजतन्त्र र राजावादीहरु हुन नसक्ने भन्दै दावी समेत गरेका थिए । उनले नेपालको ससंविधानले यो व्यवस्थाको उन्नत विकल्पका बारे छलफल गर्ने क्षेत्राधिकार दिएकाले संसद भित्र थप उन्नत व्यवस्था हासिल गर्न सकिने भन्दै सभामुख समक्ष ध्यानाकर्षण समेत गराएका थिए ।