बैशाख २, काठमाडौं । मुगुको सदरमुकाम गमगढी स्थित मिलन चोकमा रहेको एन आई सि एसिया बैंकको शाखा कर्यलयमा एक अनजान व्यक्तिबाट तोडफोड भएको छ । प्रहरी श्रोतका अनुसार उक्त तोडफोड शनिबार राती ९ः२१ बजे भएको हो ।
बैंकमा रहेको सिसि क्यामारामा देखिए अनुसार उक्त व्यक्तिले बैंकभित्र प्रवेश गरी सुरक्षागाडले प्रयोग गर्ने जुत्ता र खुकुरी लिएको प्रहरिले जनाएको छ । बैंकमा १ जना मात्र सुरक्षा कर्मी भएको र उनको डिउटी राती ८ बजेसम्म मात्र भएकोले त्यही मौका छोपी अज्ञात व्यक्तिले बैंकको मुल ढोका तोडफोड गरी बैंक भित्र प्रवेश गरेको प्रहरीले जनाएको छ ।
साथै प्रहरीले बैंकको मुल ढोका तोडफोड गरी सुरक्षा गार्डले प्रयोग गर्ने जुत्ता र खुकुरी लिने व्यक्ति बजार वरपर घुम्दै आएको र मानसिक अवस्था पनि ठिक नभए झै लाग्ने एक युवा हुनसक्ने अनुमान लगाएको छ भने उनको खोजी कार्य समेत भैरहेको छ ।
बैंकको मुल ढोका तोडफोड गरी जुत्ता खुकुरी चोर्नु बाहेक अन्य कुनै क्षति नभएको प्रहरिले बताएको छ ।
