बैशाख २९, काठमाडौं । उपप्रधान तथा गृहमन्त्री रबि लामिछानेले सहकारी ठगिमा मुछिएका पुर्व पाटनर जीबी राईलाई अघिल्लो सरकारले भगाएको आरोप लगाएका छन् । शनिवार बिहान चितवनमा पत्रकार संग कुरा गर्दै लामिछानेले राई भगाईएका पात्र भएकोले उनलाई भेटाउन सोचेजस्तो सहज नहुने बताएका हुन् । लामिछानेसंग पत्रकारले जीबीराई कहिले पक्राउ पर्लान भन्दै प्रश्न गरेका थिए । जवाफ दिन खोजेका लामिछानेले पत्रकारलाईनै पुन प्रश्न गर्दै भने ।
“नियन्त्रणमा लिन प्रयास भइरहेको छ । तर, यत्रा समस्या आउंदा आउंदै भगाएको चाहिं किन भन्ने प्रश्न सोध्न सकिन्छ नि !”
त्यसपछि उनले भगाइसकेको मान्छेलाई खोज्न समय लाग्ने भएकोले हरकोसिस भएको बताए । लगत्तै पत्रकारले कस्ले भगाएको हो त भन्ने प्रश्न गर्दा उनले जवाफ दिए, “भाग्दाखेरी सरकारमा को थियो ?” गृहमन्त्री लामिछानेले जीबी राईका पक्राउ सन्दर्भमा केही प्रक्रिया पूरा गर्नुपर्ने बाध्यता भएकोले समय लागेको बताए । लामो समय अगाडिबाट ठगि प्रकरणमा मुछिएका जीबी राई बुटवलको सुप्रिम बचत तथा ऋण सहकारी र पोखराको सुर्यदर्शन सहकारीको रकम हिनामिना गरेर फराररत छन् ।
