बैशाख २९, काठमाडौं । कर्णाली प्रदेशका मुख्यमन्त्री यमलाल कंडेलले जेठ ४ गते सर्वदलिय बैठक बोलाएका छन् । प्रदेशको समग्र विकास र समृद्धिका लागि साझा धारणा बनाउनका लागि भन्दै मुख्यमन्त्री कंडेलले उक्त मितिमा सर्वदलीय बैठक आह्वान गरेका हुन् ।
सर्वदलीय वैठकमार्फत मुख्यमन्त्री कंडेलले प्रदेश सभामा प्रतिनिधित्व गर्ने दलहरुबीच आसन्न नीति तथा कार्यक्रम र बजेटका विषयमा साझा सहमति खोज्ने प्रयास गरेका हुन्। मुख्यमन्त्री कंडेलेको सचिवालयका अनुसार प्रदेश सभामा प्रतिनिधित्व गर्ने दलका प्रदेश अध्यक्ष, संसदीय दलका नेता तथा प्रमुख सचेतकलाई बैठकमा सहभागी हुन आग्रह गरेका छन्।
कर्णाली प्रदेशसभामा नेपाली कांग्रेस, नेकपा माओवादी केन्द्र, नेकपा एमाले, नेकपा (एकिकृत समाजवादी) र राष्ट्रिय प्रजातन्त्र गरी पांच दलको प्रतिनिधित्व छ ।
