साउन ८, कञ्चनपुर । मन्त्रिपरिषदको साउन ६ गते बसेको बैठकले मन्त्रालय सङ्ख्या घटाउने निर्णय अनुसार सुदूरपश्चिम प्रदेश सरकारले ३ वटा मन्त्रालय घटाइएर ७ वटा मन्त्रालय सङ्ख्या कायम गरिएको प्रदेश सरकारका प्रवक्ता समेत रहेका जलस्रोत तथा सहरी विकास मन्त्री अक्कल रावलले जानकारी दिए ।
अब यहाँ १) मुख्यमन्त्री तथा मन्त्रिपरिषद्को कार्यालय, २) आन्तरिक मामिला तथा कानुन मन्त्रालय, ३)सामाजिक विकास मन्त्रालय, ४) भौतिक पूर्वाधार विकास मन्त्रालय, ५) आर्थिक मामिला मन्त्रालय, ६) उद्योग पर्यटन वन तथा वातावरण मन्त्रालय र ७)भूमि व्यवस्था कृषि तथा सहकारी मन्त्रालय मात्र कायम गरिएको छ ।
एमाले, माओवादी, एकीकृत समाजवादी, नाउपा (रञ्जिता पक्ष) र स्वतन्त्र सांसदको समर्थनमा बनेको समाजवादीका नेता एवं मुख्यमन्त्री दीर्घबहादुर सोडारी नेतृत्वको सरकारले मन्त्रालय भागबन्डा पुर्याउन गत असार १६ गते मन्त्रालय सङ्ख्या बढाएर कार्यविभाजन गरी प्रदेश प्रमुखको मा प्रमाणीकरणको लागि पठाएको थियो भने असार १७ गते प्रमुख ठुला दल कांग्रेस र एमालेबिच भएको राजनीतिक सहमतिपछि महिना दिन नपुग्दै मन्त्रालय सङ्ख्या घटाइएको हो ।
