ग्यासको मूल्य १२.७५ रुपैयाँ बढाउने सहमति, उद्योगीको आन्दोलन फिर्ता

काठमाडाैं, २० फागुन । सरकारसँग पाँच बुँदे सहमति भएपछि एलपी ग्यास उद्योगीहरूकाे आन्दोलन स्थगित भएकाे छ। आज  चार घण्टा लामो वार्तापछि सरकार र नेपाल एलपी ग्यास उद्योग संघबीच ग्यासको भाउ १२ रुपैयाँ ७५ पैसा बढाउनेसहित पाँच बुँदे सहमति भएको हो ।

याे सँगै अब ग्यासको मूल्य प्रतिसिलिन्डर १ हजार ९१० बाट बढेर १ हजार ९२२ रुपैयाँ ७५ पैसा पुग्ने भएको छ

ओभरहेड र नाफा रकम वृद्धिलगायत १९ बुँदे माग राखेर नेपाल एलपी ग्यास उद्योग संले आइतबारदेखि भारतबाट ग्यास ल्याउने प्रोडक्ट डेलिभरी खरिद बन्द गरेर आन्दोलन गर्दै आएको थियो।