वाशिंटन । अमेरिकी राष्ट्रपति डोनाल्ड ट्रम्पले शनिबारदेखि इरानसँग प्रत्यक्ष वार्ता हुने बताएका छन्। सोमबार इजरायली प्रधानमन्त्री बेन्जामिन नेतान्याहुसँगको वार्तापछि ट्रम्पले सो कुराको जानकारी दिएका हुन्। उनले इरानसँग वार्ता गरेर सबै समस्याको समाधान नगरे ठुलो जोखिम हुनसक्ने बताए।
अमेरिकाले इजरायलबाट जाने सामानमा १७ प्रतिशत करको निर्णय गरेपछि नेतान्याहु ट्रम्पसँग भेटेर नै यस विषयमा छलफल गर्न अमेरिका पुगेका हुन्। नेतान्यहुले ट्रम्पसँगको वार्ता सकारात्मक भएको र यो निर्णय उल्टन सक्ने सम्भावना रहेको बताएका छन्। उनले इजरायलले विगतमा अमेरिकाले गरेको सहयोग बिर्सन नहुने बताएका छन्।
नेतानयाहुसँगको भेट अघि नै ट्रम्पले फ्रान्सेली राष्ट्रपति एमानुएल म्याक्रों, इजिप्टका राष्ट्रपति फताहा अल सिसी र जोर्डनका राजा अब्दुल्लाहसँग एकै पटक वार्ता गरेका थिए।
ट्रम्पले दोस्रो कार्यकाल सुरु भएपछि नेतान्याहुको यो दोस्रो अमेरिका भ्रमण हो। फेब्रुअरीमा भएको पहिलो भ्रमणले गाजामा अस्थायी युद्ध विरामको बाटो खोलेको थियो।
