काठमाडौँ । एएनएफए यू-१६ युथ लिगमा एपीएफ़को प्रतिनिधित्व गर्दै चम्किएका १६ वर्षीय युवा फुटबल खेलाडी बिकेन खत्री जीवनको सबैभन्दा ठूलो चुनौतीसँग जुधिरहेका छन्। मैदानमा डिफेन्डरका रूपमा आफ्नो टोलीको ढाल बनेका बिकेनलाई बोनम्यारो क्यान्सर भएको छ, जसको उपचारका लागि ठूलो आर्थिक सहयोगको आवश्यकता परेको छ।
बिकेनलाई भारतमा बोनम्यारो ट्रान्सप्लान्ट गर्नुपर्ने भएको छ, जसको अनुमानित खर्च १ करोड २० लाख रुपैयाँभन्दा बढी छ। आर्थिक रूपमा कमजोर परिवारका लागि यो रकम जुटाउन असम्भव देखिएको छ।
नेपालको भविष्य मानिएका यस्ता प्रतिभाशाली खेलाडीलाई बचाउन अहिले हामी सबैले सहयोगको हात बढाउनु जरुरी छ। बिकेनले मैदानमा देखाएको साहस र लगनशीलता अब जीवनको लडाइँमा पनि देखाउँदै छन्, तर यो लडाइँ उनी एक्लैले जित्न सक्दैनन्।
बिकेनको उपचारमा सहयोग गर्न चाहनुहुने महानुभावहरूले उहाँका बुबा रोशन खत्रीलाई ९८४९४२१०३६ मा सम्पर्क गर्न सक्नुहुन्छ।
हाम्रो सानो सहयोगले बिकेनलाई नयाँ जीवन दिन सक्छ र भविष्यमा उनले देशका लागि खेल्ने सपनालाई साकार पार्न सक्छ। आउनुहोस्, उज्यालो भविष्यको यो लडाइँमा हामी सबै एकैसाथ उभिएर बिकेनलाई साथ दिऔं।
