काठमाडौं । निर्जीवन बीमा कम्पनीहरूले चालु आर्थिक वर्ष २०८१–८२ को पहिलो महिना साउनमा कुल ४ अर्ब ३१ करोड ८४ लाख ४४ हजार रुपैयाँ बराबरको बीमा शुल्क आर्जन गरेका छन्। यो तथ्याङ्क नेपाल बीमा प्राधिकरणले सार्वजनिक गरेको हो।
साउनमा ठूला कम्पनीहरूले कुल २ लाख १५ हजार २८५ वटा बीमालेख बिक्रीमार्फत उक्त बीमा शुल्क आर्जन गरेका हुन्। व्यवसायको आधारमा सगरमाथा लुम्बिनी इन्स्योरेन्स कम्पनी (सलिको) पहिलो स्थानमा रह्यो। सलिकोले ४५ करोड ५४ लाख रुपैयाँ बराबरको बीमा शुल्क आर्जन गर्दै २१ हजार १५१ बीमालेख बिक्री गरेको छ।
सिद्धार्थ प्रिमियर इन्स्योरेन्स दोस्रो स्थानमा रह्यो। कम्पनीले ४१ करोड ७९ लाख ७४ हजार रुपैयाँ बराबरको बीमा शुल्क आर्जन गर्दै २२ हजार ५०३ बीमालेख बिक्री गरेको छ। शिखर इन्स्योरेन्स कम्पनी तेस्रो स्थानमा रह्यो, जसले ४१ करोड ५५ लाख ११ हजार रुपैयाँ बराबरको व्यापार गरेको छ र २५ हजार २३७ बीमालेख बिक्री गरेको देखिन्छ।
त्यसैगरी, ओरियण्टलले ४१ करोड ३७ लाख २३ हजार, हिमालयन एभरेष्टले ३६ करोड ५२ लाख ४५ हजार, एनएलजीले ३४ करोड ३१ लाख २० हजार, आइजीआई प्रुडेन्सियलले ३३ करोड ८१ लाख ९० हजार, नेकोले ३२ करोड १ लाख रुपैयाँ बीमा शुल्क आर्जन गरेका छन्। यी कम्पनीहरूले क्रमशः ३ हजार ८७९, २१ हजार ७५७, १५ हजार ७५८, १५ हजार ९४३ र २१ हजार ६९३ वटा बीमालेख बिक्री गरेका छन्।
साउनमा युनाइटेड अजोडले २९ करोड ६७ लाख, नेपाल इन्स्योरेन्सले २३ करोड ६ लाख, सानिमा जिआइसीले २२ करोड ३६ लाख, नेपाल इन्स्योरेन्सले २० करोड ७१ लाख, राष्ट्रिय बीमा कम्पनीले १६ करोड २७ लाख र प्रभू इन्स्योरेन्सले १२ करोड ७१ लाख रुपैयाँ बराबरको बीमा शुल्क आर्जन गरेको तथ्याङ्कमा देखिएको छ।
