काठमाडौं । माछापुच्छ्रे बैंक लिमिटेड द्वारा जारी गरिएको “८.२५% माछापुच्छ्रे अविमोच्य असञ्चिति अग्राधिकार शेयर” नेपाल स्टक एक्सचेञ्ज (नेप्से) मा सूचीकृत भएको छ । बैंकले जारी गरेको प्रतिकित्ता १०० रुपैयाँ अंकित दरका कुल ३ करोड कित्ता अग्राधिकार शेयर २०८३ जेठ १९ गते नेप्सेमा सूचीकृत भएको हो । उक्त शेयरको कुल निष्कासन मूल्य ३ अर्ब रुपैयाँ रहेको बैंकले जनाएको छ ।
बैंकका अनुसार नेप्सेमा सूचीकृत भएको उक्त अग्राधिकार शेयर २०८३ जेठ २० गतेदेखि धितोपत्रको दोस्रो बजारमा कारोबारका लागि उपलब्ध भएको छ । बैंकले जारी गरेको यस अविमोच्य असञ्चिति अग्राधिकार शेयरमा लगानीकर्ताले वार्षिक ८.२५ प्रतिशत प्रतिफल प्राप्त गर्ने व्यवस्था रहेको छ ।
बैंकका अनुसार यस सूचीकृतिले पूँजी संरचना थप सुदृढ बनाउन तथा लगानीकर्तालाई नयाँ लगानी विकल्प उपलब्ध गराउन सहयोग पुग्ने अपेक्षा गरिएको छ।
