प्रेस युनियन काठमाडौंले स्वास्थ्य शिविर आयोजना गर्ने

काठमाडौं  । नेपाल प्रेस युनियनको काठमाडौं शाखाले आइतबार बृहत् स्वास्थ्य शिविर आयोजना गर्ने भएको छ । संगठनको ३४ औँ स्थापना दिवसको अवसर पारेर काठमाडौं शाखा अनामनगरमा बृहत स्वास्थ्य शिविर आयोजना गर्न लागेको हो ।

युनियनको स्थापना दिवसको उपलक्ष्यमा अनामनगरको समाजिक विकास भवनमा सञ्चारकर्मीहरूका लागि आइतबार स्वास्थ्य शिविर आयोजना गरिएको जिल्ला अध्यक्ष महेश गौतमले जानकारी दिए ।

उनले वीर अस्पतालका विशेषज्ञबाट स्वास्थ्य र तिलगंगा आँखा अस्पतालका विशेषज्ञबाट आँखाको जाँच हुने बताए । यस्तै भक्तपुर क्यान्सर अस्पतालका विशेषज्ञबाट महिलाहरूको पाठेघर र स्तन क्यान्सरको स्क्रिनिङ, राष्ट्रिय जनस्वास्थ्य प्रयोगशालाबाट रगत र युरिनको जाँच गरिने छ । यस्तै चिरायु डेन्टल केयरका चिकित्सकले दन्त परीक्षण गर्ने गौतमले जानकारी दिए ।