होर्मुज स्ट्रेट खोल्न इरानलाई ट्रम्पको ४८ घण्टे अल्टिमेटम

अमेरिकाका राष्ट्रपति ट्रम्पले इरानलाई ऊर्जा ढुवानीका लागि विश्वकै महत्त्वपूर्ण जलमार्ग स्ट्रेट अफ होर्मुज खोल्न ४८ घण्टे अल्टिमेटम दिएका छन् ।

उनले होर्मुज जलमार्ग नखोले इरानका विद्युत् गृहहरू ‘ध्वस्त’ पारिदिने चेतावनी दिएका छन् ।

ट्रम्पले आइतबार आफ्नो सामाजिक सञ्जाल प्लाटफर्म ट्रुथ सोसलमा लेखेका छन्, ‘यदि इरानले ४८ घण्टाभित्र स्ट्रेट अफ होर्मुज खोलेन भने अमेरिकाले इरानका पावर प्लान्टमा आक्रमण गरी ध्वस्त पार्नेछ र यो सबैभन्दा ठुलो प्लान्टबाट सुरु गरिनेछ।’

इरानले शनिबार साँझ इजरायलमा दुई क्षेप्यास्त्र प्रहार गरेको केही घण्टापछि ट्रम्पबाट उक्त चेतावनी आएको हो।