कीर्तिपुरमा सर्वदलीय बैठक सुरु, १० बजेपछि मतगणना गर्ने तयारी

काठमाडौं ।  कीर्तिपुर नगरपालिकामा सर्वदलीय बैठक सुरु भएको छ । मतगणनाको विषयमा छलफल गर्न लागि साँझ पौने ७ बजेबाट बैठक सुरु भएको मुख्य निर्वाचन अधिकृतको कार्यालयले जनाएको छ ।

कार्यालयका अनुसार सहमति जुटेपछि १० बजेपछि मतगणना सुरु गर्ने तयारी गरिएको छ । सबै मतदान स्थलबाट ६ बजे नै मतपेटिका ल्याइसकेको बताइएको छ ।

यहाँ ६७ प्रतिशत मतदान भएको छ । ०७९ को निर्वाचनमा यस नगरपालिकामा ७९।२४ प्रतिशत मतदान भएको थियो । यो नगरपालिकामा १९ जना उम्मेदवार चुनावी मैदानमा छन् ।

यहाँको वडा नम्बर १ र ४ मा पनि उपनिर्वाचन भएको छ । ४ वडामा स्वतन्त्र उम्मेदवार निर्वाचित भएका थिए भने १ र नगरपालिकामा कांग्रेसले ०७९ मा जितेको थियो ।