शुक्रबार ताेलामा २२ सय रूपैयाँले घट्याे सुनकाे मूल्य

काठमाडाैं, १६ फागुन । शुक्रबार नेपाली बजारमा सुनकाे मूल्यमा भारी गिरावट आएको छ । आज सुनकाे मूल्य एकैदिन ताेलामा २२ सय रूपैयाँले घटेकाे हाे ।

नेपाल सुनचाँदी व्यवसायी महासंघका अनुसार आज छापावाल सुनकाे मूल्य १ लाख ६८ हजार १०० रुपैयाँ कायम भएको छ । हिजाे छापावाल सुन तोलामा १ लाख ७० हजार ३०० रुपैयाँमा काराेबार भएकाे थियाे ।

यस्तै आज चाँदीको मूल्य पनि ताेलामा ३० रूपैयाँले घटेको छ । बिहीबार तोलामा १ हजार ९४५ रुपैयाँ कायम भएको चाँदीको मूल्य शुक्रबार घटेर तोलामा १ हजार ९१५ रुपैयाँ कायम भएको महासंघले जनाएको छ ।