कोशी उद्योग वाणिज्य महासंघले ढाका महोत्सव गर्ने

काठमाडौं । नेपाल उद्योग वाणिज्य महासंघ कोशी प्रदेशले ढाका महोत्सव २०८१ आयोजना गर्ने भएको छ । महासंघले कोशी प्रदेशको राजधानी विराटनगर जैन भवन मेन रोडमा चैत ७ देखि ९ गतेसम्म महोत्सव गर्ने भएको हो ।

महासंघको महिला उद्यमी विकास समितिले आयोजना गर्ने महोत्सवमा बढीमा २५ वटा स्टल रहने समितिकी सभापति सरु केसीले जानकारी दिएकी छिन्।

महोत्सवमा स्टल राख्न चाहनेका लागि निःशुल्क स्टलको व्यवस्था गरिने र त्यसका लागि सम्पर्क गर्ने समेत केसीले आह्वान गरेकी छिन् ।