माघ १०, कैलालि । सुनौलो सामुदायिक वनले आम्दानीको १०% रकम अध्यक्ष सुरेन्द्र जैसीको नेतृत्वमा स्थानीय सरकार सञ्चालन ऐन २०७४ को दफा ६२ (२ख) र मोहन्याल गाउँपालिकाको वन ऐन २०७८ अनुसार गाउँपालिकालाई आम्दानीको १०% रकम स्थानीय सरकार तथा मोहन्याल गाउँपालिकालाई बुझाइएको छ।
कार्यपालिकाको २०८० पौष २४ गतेको वैठकको निर्णय अनुसार सामुदायिक वनले वनपैदवार बिक्रीबाट प्राप्त आयको १० प्रतिशत रकम स्थानीय सञ्चितकोशमा जम्मा गर्नु पर्ने व्यवस्था कार्यान्वयन गर्दै सुनौलो सामुदायिक वन उपभोक्ता समिती मोहन्याल ६ ठूलागडाले रु.९८,५००/- गाउँपालिकाको आन्तरिक राजस्व खातामा जम्मा गरेको छ ।
संघीयताको मर्म अनुसार करको दायरा कार्यान्वयनमा जान सबै सामुदायिक वनहरुलाई समेत अध्यक्ष जैशीले हार्दिक आव्हान समेत गरेका छन् । साथै यो सम्मानजनक महान कार्यको लागि अध्यक्ष लगायत सिंगो समितिलाई मोहन्याल गाउँपालिकाले धन्यवाद व्यक्त गरेको छ । पछिल्लो समयमा यति ठूलो रकम धनराशि कर तिर्नेमा सुनौलो सामुदायिक वन उपभोक्ता समिति पहिलो नम्बरमा समेत परेको छ।
