सरकारको मन्त्रिपरिषद् हेरफेर प्रयास पुरा हुँदै, देउवा संग जुट्यो सहमत

फागुन १४, काठमाडौं । कांग्रेस महासमितिको बैठकपछि सोमबार बालुवाटार पुगेका देउवाले प्रधानमन्त्री प्रचण्डसँग मन्त्रिपरिषद् हेरफेर गर्ने बारे छलफल सुरु गरेका छन्। यस अघि प्रधानमन्त्री प्रचण्ड आफूले सरकारको नेतृत्व गरेको एक वर्ष पुगेपछि कार्यसम्पादन कमजोर रहेका मन्त्रीहरुलाई हटाउन चाहेका थिए । तर, देउवाले साथ नदिँदा प्रचण्ड रोकिएका थिए ।

राष्ट्रिय सभा निर्वाचन र आफ्नै पार्टीको महासमिति बैठकले व्यस्त बनाएका देउवा अहिले फुर्सदमा छन। यता प्रतिपक्षी दलहरुले भौतिक पुर्वाधार तथा यातायात मन्त्री प्रकाश ज्वाला र स्वास्थ्य मन्त्री मोहन बहादुर बस्नेतको राजीनामा जोडतोडले मागिरहेका छन्। यो बिबादास्पद परिस्थितिलाई मिलाउने हेतुका साथ कांग्रेस सभापति देउवा मन्त्री हेरफेरको उपायमा लागेका हुन। लामो समय अन्तरालको सो औपचारिक भेटमा देउवाले गठबन्धनलाई मजबुत राख्ने पक्षमा पार्टीले निर्णय गरेको भन्दै आशंका नगर्न आग्रह गरेका छन्।

महामन्त्री गगन थापाको चुनावी गठबन्धन नगर्ने प्रस्ताव महासमिति बैठकबाट पारित गरेपछि गठबन्धनमा आशंका बढेको चर्चा भएको थियो । त्यहीबीचमा प्रचण्ड र एमाले अध्यक्ष केपी ओलीबीच भएको भेटले कांग्रेस वृत्तमा तरंग पैदा गरेको थियो । महासमितिको बैठक यता गठबन्धनको प्रमुख घटक दल  कांग्रेस र प्रधानमन्त्री बीच उत्पन्न भएका संका पनि सोही भेट प्रश्चात मेटिएको श्रोतले बताएको हो।