जेठ ८, काठमाडौं । प्रमुख प्रतिपक्षी दल नेपाली कांग्रेसले कान्तिपुर मिडियाका अध्यक्ष कैलाश सिरोहियालाई सरकारले पूर्वाग्रह राखेर उनिमाथि कार्वाही नगर्न चेतावनि दिएको छ ।
मंगलबार प्रतिनिधि सभा बैठक सुरू हुनेबित्तिकै कांग्रेस सांसदहरू उठेर विरोध गरेका थिए । त्यसपछि सभामुख देवराज घिमिरेले सांसद बद्री पाण्डेलाई बोल्न समय दिए । कांग्रेस सह-महामन्त्री समेत रहेका सांसद पाण्डेले सधाझै सहकारी बचत ठगीमा उप-प्रधान तथा गृहमन्त्री रवि लामिछाने संलग्न रहेको भन्दै संसदीय छानबिन समिति गठनको माग गरेका थिए ।
साथै उनले कान्तिपुर मिडियाका अध्यक्ष सिरोहियाविरूद्ध पक्राउ पुर्जी जारीबारे कुरा पनि उठाएका थिए। ‘अहिले भर्खरै सुनिएको समाचार अनुसार कान्तिपुरका अध्यक्ष कैलाश सिरोहियालाई पक्राउ पुर्जी जारी भएको सुनेको छु । कानुनी कारबाहीको दायरामा हरेक नागरिकलाई ल्याउनुपर्छ, तर आग्रह र पूर्वाग्रह राखेर कसैमाथि कारबाही भयो भने नेपाली कांग्रेसले राणालाई सहेन, राजालाई सहेन । कसैलाई पनि सहंदैन त्यो पनि म दोर्याउन चाहन्छु।’
धनुषा जिल्ला अदालतले मंगलबार सिरोहियाविरूद्ध पक्राउ पुर्जी जारी गरेको थियो।
