जेठ २५, काठमाडौं । काठमाडौको लैनचौर स्थित शंकर होटलमा आयोजित पत्रकार सम्मेलन बाट महानायक राजेश हमालको उपस्तिथिमा भी एफ वाई टक्सको विस्तारित रुप ‘भी एफ वाई ग्लोबल’ को सुरुवात भएको छ ।
लाईभ नेपाल प्रालि अन्तर्गत सञ्चालित हुँदै आएको भी एफ वाई टक्स शो फरक उद्देश्यका साथ युवा उत्प्रेरणा, जनचेतना तथा नेतृत्व विकासलाई प्राथमिकता दिँदै आफ्ना कार्यक्रमहरू प्रशारण गर्दै आईरहेको छ ।
कार्यक्रममा हमालले एक मानवले अर्को मानवबारे जान्न रुचि राख्ने विश्लेषण छ । ‘मानवजातिको प्राथमिक रुचि भनेकै अर्को मानव प्राणी हो । अर्को मानवको अनुभव, अर्को मानवको जीवनशैली, आचरण, अर्को मानवले कस्तो विचार राख्छ भन्ने कुरा नै हाम्रो प्राथमिक रुचि हो’ उनले भने, ‘यो कार्यक्रम पनि त्यसैको सेरोफेरोमा रहेको बताए ।
त्यस्तै भी एफ वाई ग्लोबलले राष्ट्रिय तथा अन्तर्राष्ट्रियस्तरमा ख्यातिप्राप्त नेता, सेलेब्रेटी, उधमी, व्यवसायी, कूटनीतिज्ञ, सरकार प्रमुख, पत्रकार, अध्यात्मिक गुरु, विज्ञ एवम् प्राध्यापक लगायतलाई आफ्नो कार्यक्रममा सहभागी गराउने छ । जहाँ अतिथिहरुले राखेका आफ्ना विचार, अनुभव तथा योजनाहरुले युवालाई उत्प्रेरित गर्न मद्दत पुग्ने पत्रकार सम्मेलनमा निर्देशक तथा निर्माता दशरथ सुनारले जानकारी समेत दिए ।
