रविको हिरासत बसाइ लम्बिएपछि छलफलमा रास्वपा नेताहरू

काठमाडौं  । राष्ट्रिय स्वतन्त्र पार्टीका सभापति रवि लामिछानेलाई सहकारी ठगी प्रकरणमा म्याद थप गरेपछि रास्वपाका नेताहरू अहिले कास्कीमा बैठक गरिरहेका छन् ।

शुक्रबार काठमाडौंको माइतीघर र पोखराको केही स्थान आन्दोलन गर्ने तयारीबारे जुट्न उपलब्ध जिम्मेवार सदस्यहरूको बैठक राखेको नेताहरूले बताएका छन् ।

रास्वपाका सांसद हरि ढकालका अनुसार शुक्रबारको आन्दोलन अझ व्यापक बनाउने गरी छलफल जारी छ । उनले भने, ‘हामी सहकारी पीडितलाई न्याय दिन्छौँ । र, हाम्रो पार्टी सभापतिलाई पनि न्याय दिलाएरै छोड्छौँ ।’

थप ७ दिन हिरासतमा राखेर अनुसन्धान गर्न अदालतले अनुमति दिएपछि रास्वपाका कार्यकर्ता तथा नेताहरू थप आक्रोशित समेत बनेका छन् । उनीहरूले आक्रोशित भएर कास्कीमा निषेधित क्षेत्रसमेत तोडेका छन् ।