काठमाडाैं, १५ फागुन । वगत ३ वर्षयता वर्षेनी करिव ७ लाख नेपालीहरु वैदेशिक रोजगारीका लागि वाहिरिएका छन्। त्यसैगरी, वर्षेनी करिव १ लाख विद्यार्थीले वैदेशिक अध्ययनका लागि स्वीकृति लिएका छन्।
पछिल्ला केही महिनायता विकसित अन्तर्राष्ट्रिय घटनाक्रमले भने यसरी विदेशिने क्रम प्रभावित हुने सम्भावना छ । यसको परिणामस्वरुप अर्थतन्त्रको वाह्य क्षेत्र सन्तुलन र आन्तरिक उत्पादन एवम् उपभोग दुवैमा असर पर्न सक्ने देखिन्छ ।
वैदेशिक राेजगार विभागका अनुसार चालु आर्थिक वर्ष २०८१\८२ काे ७ महिनामा २ लाख ७४ हजार ६२२ जनाले अन्तिम श्रम स्वीकृति लिएका छन् भने १ लाख ९० हजार ८८६ जनाले पुनः श्रम स्वीकृति लिएका छन् ।
यस्तै यस अवधिमा ४ लाख ६५ हजार ५०८ जनाले कुल श्रम स्वीकृति लिएका छन् भने अध्ययन स्वीकृति लिनेकाे संख्या ५५ हजार ७७ रहेकाे छ ।
गत आर्थिक वर्ष २०८०\८१ मा १ लाख १२ हजार ५९३ जनाले वैदेशिक अध्ययनका लागि स्वीकृति लिएका थिए ।
