नेपाल–पाकिस्तान सम्बन्ध थप सशक्त बनाउन सांसदस्तरीय छलफल

काठमाडौं । गणतान्त्रिक पाकिस्तानी राजदूतावास, काठमाडौं र नेपाल–पाकिस्तान मैत्री तथा सांस्कृतिक संघको संयुक्त आयोजनामा नेपाल–पाकिस्तानबीचको सम्बन्धलाई थप सुदृढ पार्ने उद्देश्यले सांसदस्तरीय छलफल तथा अन्तर्क्रिया सम्पन्न भएको छ।

कार्यक्रममा दुई देशबीच मिडिया तथा सांस्कृतिक आदान–प्रदानलाई प्रवर्द्धन गर्ने, सामुदायिक विकासका क्षेत्रमा जनस्तरबाट पहलकदमी गर्ने लगायतका विषयमा गहन छलफल भएको थियो। यसका साथै, नेपालको सामुदायिक विकासमा पाकिस्तानको सहयोगलाई कसरी अझ प्रभावकारी ढंगले सञ्चालन गर्न सकिन्छ भन्ने विषयमा पनि विचार–विमर्श गरिएको थियो।

उक्त कार्यक्रमको समन्वय नेपाल–पाकिस्तान मैत्री तथा सांस्कृतिक संघका अध्यक्ष मञ्जु रत्न शाक्यले गर्नुभएको थियो।