काठमाडौं । प्रतिभालाई उजागर गर्ने उद्देश्यले Cosmos Educational Training & Research Centre (CETARC) को आयोजनामा सञ्चालन गरिएको बागमती प्रदेशस्तरीय ‘Colouring & Drawing Champs–2083’ को पुरस्कार वितरण समारोह आगामी असोज ३ गते काठमाडौंको बसुन्धरास्थित यती इभेन्ट्समा हुने भएको छ । प्रतियोगितामा विभिन्न विधामा उत्कृष्ट हुने विद्यार्थीलाई पुरस्कार तथा सम्मान प्रदान गरिने आयोजक CETARC ले जनाएको छ ।
बालबालिकामा रहेको सिर्जनात्मक क्षमता पहिचान गरी उनीहरूलाई आफ्ना प्रतिभा प्रस्तुत गर्ने अवसर प्रदान गर्ने उद्देश्यले प्रतियोगिता आयोजना गरिएको CETARC का प्रबन्ध निर्देशक रेशम पौडेलले जानकारी दिए । पौडेलका अनुसार चित्रकला तथा रंग भर्ने जस्ता सिर्जनात्मक गतिविधिले बालबालिकाको कलाप्रतिभा प्रस्फुटनसँगै सिर्जनात्मक सोच, कल्पनाशक्ति र आत्मविश्वास विकास गर्नसमेत महत्वपूर्ण भूमिका खेल्छ । ‘Colouring & Drawing Champs–2083’ मार्फत बालबालिकालाई आफ्नो प्रतिभा प्रदर्शन गर्ने उपयुक्त मञ्च प्रदान गर्न खोजिएको उनले बताए ।
CETARC ले बालबालिकाको शैक्षिक विकाससँगै उनीहरूको सिर्जनात्मक तथा कलात्मक क्षमताको विकासलाई समेत प्राथमिकतामा राख्दै यस्ता कार्यक्रमलाई निरन्तरता दिँदै आएको जनाएको छ । कार्यक्रममा Trinity Prakashan Pvt. Ltd. को सहयोग तथा www.globalpana.com मिडिया पार्टनरका रूपमा रहेको छ । पुरस्कार वितरण समारोहमा प्रतियोगितामा सहभागी विद्यार्थी, अभिभावक तथा शिक्षा क्षेत्रसँग आबद्ध व्यक्तिहरूको सहभागिता रहने आयोजकले जनाएको छ ।
