मंसिर २०, काठमाडौं । मंगलबार,माननीय उपप्रधानमन्त्री तथा गृहमन्त्री नारायणकाजी श्रेष्ठ साँझ बालुवाटारमा बसेको सत्ता गठबन्धन बैठकमा सहभागी हुदा छातिमा असहज भएपछि वहाँको नियमित स्वास्थ परीक्षण गर्न शहीद गङ्गालाल हृदयरोग केन्द्र, बाँसबारी अस्पतालमा एन्जियोप्लास्टी गरिएको गृह मन्त्रालयका सहसचिव/प्रवक्ता नारायण प्रसाद भट्टराईले जानकारी गराए।
डा. अरुण मास्के सहितको चिकित्सक टोलीले आंशिक अवरोध रहेको भागमा समेत एन्जियोप्लास्टी सर्जरी गरी सघन उपचार कक्षमा उपचाररत रहनु भएको र हाल उहाँको स्वास्थ्य अवस्था स्थिर रहेको व्यहोरा अस्पतालले जनाएको छ।’
उहाँ मित्रराष्ट्र गणतन्त्र चिनको भ्रमणमा रहेको बेला (मिति २०८० असोज ३० देखि कार्तिक १ सम्म) मा मुटुमा ‘एक्युट मायोकार्डियल इन्फेक्सन’ भएको र आकस्मिक कोरोनरी एन्जियोग्राफी गर्दा ओब्टस मार्जिनल शाखामा अवरोध देखिएको थियो। उहाँको उपचारको क्रममा गरिएको स्वास्थ्य परीक्षणमा मुटुको अर्कोपट्टी धमनीमा समेत केही अवरोध देखिएको जानकारीमा आएको थियो।
