माघ १५, काठमाडौं । त्रिभुवन विश्वविद्यालय परीक्षा नियन्त्रण कार्यालयले अनलाइन मार्फत सेवा प्रवाह सुरु गरेको छ । उपकुलपति सिवलाल भुसालले एक कार्यक्रमका बिच उक्त कार्यक्रमको सुरुवात गरेका हुन् ।
त्रिवि पनिकाद्वारा प्रदान गरिने सेवाहरु ट्रान्सकृप्ट, प्रोभिजनल, प्रमाण-पत्र, मूल प्रमाण-पत्र, पुनर्योग र करेक्सनको कार्य अनलाइन मार्फत गरिनेछ ।
त्यसका लागि tuexam.edu.np मा login गरी आवश्यक विवरण तथा प्रमाणहरु संलग्न गरी नेपाल बैंक लिमिटेड वा ग्लोबल आइ एम ई बैंक मध्ये एउटा बैंक छनौट गरी तोकिएको शुल्क तिर्नुपर्नेछ।
अनलाइन फारम २४ सै घण्टा उपलब्ध हुनेछ । तर, काम भने कार्यालय समयभित्र सम्बन्धित कर्मचारीले रुजु गरी प्रथम चरणमा चेक गर्नेछन्। ठिक भए ठिक र ठिक नभएको खण्डमा निर्देशनसहित आवेदकलाई जानकारी पठाइनेछ।
आवेदकले निर्देशन बमोजिमका विवरण पेस गरेको खण्डमा पुन प्रक्रियामा संलग्न हुनेछ । त्यसैगरी सच्याउनुपर्ने अवस्था भए सो को जानकारी सम्बन्धित आवेदकलाई पठाइने व्यवस्था मिलाएको छ ।
प्रमाण-पत्र संकलनको लागि सम्बन्धित क्षेत्रीय परीक्षा नियन्त्रण कार्यालयमा सम्पर्क गर्नुपर्ने छ । हाललाई आवेदन फारम भरेको मितिले सबै प्रक्रिया मिलेको खण्डमा एक हप्ता भित्र उपलब्ध गराइने छ ।
काठमाडौं उपत्यका तथा पनिका वल्खु अर्न्तगतका सेवाग्राहीहरुले वल्खुबाटै संकलन गर्नुपर्ने छ । केही समयको लागि अनलाइन र अफलाइन दुवै माध्यमबाट सेवा प्रवाह गरिने छ र पूर्ण अनलाइन सेवा सञ्चालनको सूचना पुन प्रकाशित गरिने छ ।दोस्रो चरणदेखि सम्बन्धित क्याम्पसबाटै प्रमाणपत्र संकलन गर्ने व्यवस्था गरिँदै जाने पनिकाले जनाएको छ।
