फागुन २७, काठमाडौं । गायक अमर दिप विसी र गायिका निशा भुलको स्वरमा रहेको ‘लै बरिलै‘ गित सार्वजनिक गरिएको छ । सार्वजनिक गीतमा अमर दिप विसीको शब्द तथा संगीत रहेको छ । भने एरेन्ज मदन केसीको रहेको छ ।
मुकेश नेपालीको कोरियोग्राफी तथा राजु अर्यालको निर्देशन रहेको सार्वजनिक गीतले प्रेम र रोमान्सका रमाइला किस्साहरुलाई नजिकबाट केलाएको छ । भिडियोमा सुन्दरी मोडल स्मारिका ढकाल र प्रशान्त मैनालीको रोमान्स रहेको छ ।
आफुले मन पराएकी मायालुलाई लुकी लुकी चिहाउने प्रेमीको कथालाई निर्देशक अर्यालले कलात्मक शैलीमा भिडियोमा वर्णन गरेका छन् । आफ्नि मायालुलाई मायामा शंका नगर्न गीतमा आग्रह गरिएको छ ।
गीत रिलिज भएसँगै सकारात्मक प्रतिक्रिया आईरहेको गायक अमरदिप विसीले बताएका छन् । गीतको सम्पादन भने नविन घर्ति मगरले गरेका छन् ।
