काठमाडौं । नेपाल जेसीजको आयोजना र नेतृत्वमा काठमाडौंस्थित Aloft Hotel, Thamel मा सम्पन्न South-Asian Academy for International Leadership (SAAIL – नेपाल २०२५) कार्यक्रम जुलाई ३१ देखि अगस्ट ३, २०२५ सम्म चार दिनको भव्य शृङ्खलामा सम्पन्न भएको छ। “Bridging Nations – Building Leadership” भन्ने मूल नाराका साथ सञ्चालन भएको यस ऐतिहासिक कार्यक्रममा नेपाल, भारत, श्रीलंका र बंगलादेशबाट १०० भन्दा बढी प्रतिनिधिहरूको सक्रिय सहभागिता रह्यो।
कार्यक्रमका मुख्य पक्षहरू:
१. नेतृत्व विकास तालिम र कार्यशाला नीति निर्माण, सार्वजनिक वक्तृत्व, अन्तर्राष्ट्रिय कूटनीति, उद्यमशीलता, नवप्रवर्तन र विश्व नेतृत्वका विषयमा आधारित विशेष सत्रहरू सञ्चालन गरियो। दक्ष प्रशिक्षकहरूको नेतृत्वमा सहभागीहरूले व्यवहारिक प्रशिक्षण प्राप्त गरे ।
२. अन्तरसंस्कृतिक आदान–प्रदान र भ्रमण सहभागीहरूलाई पाटन दरबार स्क्वायर, भक्तपुर, स्वयम्भू, बौद्ध, लुम्बिनी र पोखरालगायतका प्रमुख ऐतिहासिक तथा सांस्कृतिक स्थलहरूको अवलोकन गराइएको थियो । यसले उनीहरूलाई नेपालको सांस्कृतिक, ऐतिहासिक र प्राकृतिक विविधतासँग प्रत्यक्ष रूपमा जोड्ने अवसर दियो ।
३. Jaycees in Business कार्यक्रम JCI श्रीलङ्काको सहकार्यमा आयोजित उक्त कार्यक्रममा नेपाल र श्रीलङ्काबीच युवा उद्यम, लगानी, व्यापारिक सहकार्य तथा स्टार्टअप नवप्रवर्तनबारे अन्तरक्रिया भयो । कार्यक्रममा नेपालका लागि नेपाल उद्योग बाणिज्य महासंघका पुर्व अध्यक्ष चण्डीराज ढकाल, नाडाका पुर्व अध्यक्ष तथा नेपाल उद्योग बाणिज्य महासंघका केन्द्रीय सदस्य कृष्णप्रसाद दुलाल लगायत उद्योगीहरूकाे सहभागीहरूले । प्रारम्भिक चरणका उद्यमीहरूको लागि एक्सपोजर र दृश्यता उद्योग पेशेवरहरूबाट वास्तविक-समय प्रतिक्रिया र अन्तर्दृष्टि व्यापारिक नेताहरू, लगानीकर्ताहरू र स्टार्टअपहरू बीच विस्तारित नेटवर्किङ युवा-नेतृत्वमा व्यावसायिक नवप्रवर्तन र सहकार्यको प्रवर्द्धन
४. क्षेत्रीय फेलोसिप र साँस्कृतिक साँझ दक्षिण एसियाली मित्रता प्रवर्द्धन गर्ने उद्देश्यले आयोजित साँस्कृतिक कार्यक्रममा नेपाली लोकसंस्कृति तथा सहभागी राष्ट्रका सांस्कृतिक प्रस्तुतीहरूले विविधता र एकताको अद्भुत सन्देश दिए ।
५. उद्घाटन तथा समापन समारोह JCI Asia-Pacific का कार्यकारिणी उपाध्यक्ष Mark Joseph David, उपाध्यक्ष Hiroki Tomori, विभिन्न देशका JCI सिनेटरहरू, युवा उद्यमी, समाजसेवी तथा राष्ट्रिय–अन्तर्राष्ट्रिय विशिष्ट अतिथिहरूको उपस्थितिले समारोहलाई गौरवपूर्ण बनायो। कार्यक्रममा jci sri lanka अध्यक्ष jc sanduk weerasinghe Jci bangladesh अध्यक्ष kazi Fahad र jci india jfc ankur jhunjhunwala काे सहभागी थियाे ।
नेतृत्व र व्यवस्थापन कार्यक्रमको नेतृत्व नेपाल जेसीजकी राष्ट्रिय अध्यक्ष रञ्जनी थापाले गर्नुभएको थियो भने कार्यक्रम निर्देशकका रूपमा JCI नेपालका पूर्व राष्ट्रिय अध्यक्ष तथा सिनेटर प्रज्ञा राज राजभण्डारीले संयोजन गर्नुभएको थियो। नेपाल जेसीजको समर्पण, टीमवर्क र उत्कृष्ट व्यवस्थापन क्षमताले कार्यक्रमलाई अन्तर्राष्ट्रिय स्तरको मापदण्डमा सम्पन्न गराएको छ ।
अध्यक्ष थापाको भनाइ: “SAAIL केवल नेतृत्व विकासको कार्यक्रम होइन; यो साझा भविष्य निर्माणको दीर्घकालीन प्रतिबद्धता हो । हामीले देखेको सपना नेपालमा साकार भएको छ । यस सम्मेलनले व्यापार, पर्यटन र दक्षिण एसियाली युवाहरूलाई साझा नेतृत्व मंचमा जोड्न ऐतिहासिक भूमिका खेलेको छ।”
निष्कर्ष
SAAIL – नेपाल २०२५ ले नेपाललाई दक्षिण एसियाली युवा नेतृत्व विकासको प्रमुख केन्द्रका रूपमा स्थापित गरेको छ। यस ऐतिहासिक उपलब्धिबाट नेपालको संस्कृति, पर्यटन, उद्यमशीलता र अन्तर्राष्ट्रिय पहिचानमा नयाँ उचाइ थपिएको छ । Lead, Connect, Transform – यही हो SAAIL को सार ।
आगामी संस्करण
२०२६ को संस्करणका लागि बंगलादेशले SAAIL आयोजनाको अधिकार प्राप्त गरिसकेको छ, जसले कार्यक्रमको अन्तर्राष्ट्रिय निरन्तरतामा नयाँ उत्साह थप्नेछ।
