आज साउन २० गते मंगलबार, यस्ताे छ तपाइकाे राशिफल

काठमाडौं ।आज २०८२ साल साउन २० गते मंगलबार। साउन शुक्ल पक्षको एकादशी तिथि। पुत्रदा एकादशी व्रत। तदनुसार सन् २०२५ अगष्ट ५ तारिख। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ

मेष : खर्चमा नियन्त्रण राख्नुहोस्। कार्यक्षेत्रमा उचित सहयोग नमिल्नाले मनोबल कमजोर रहला। पारिवारिक गतिविरोधले मन तनावपूर्ण रहनेछ। आजको शुभ रंग रातो हो भने शुभ अंक २ रहेको छ।

वृष : राम्रो योजना बनाएर कार्य गर्नुहोस् सफलता मिल्नेछ। शैक्षिक क्षेत्रमा अड्किएका कार्य बन्नेछन्। इष्टमित्रहरूबाट पूरा सहयोग मिल्नेछ। जीवन साथीसँग पायक स्थानमा भ्रमणका योग छन्। आजको शुभ रंग गुलाबी हो भने शुभ अंक ३ रहेको छ।

मिथुन : आलस्यले गर्दा शिक्षाको क्षेत्रमा बाधा आउनेछ। अरुका लागि बुद्धि र धन खर्च गर्नुपर्ला। व्यापार व्यवसायमा सोचविचार गरेर लगानी गर्नुहोला। आजको शुभ रंग हरियो हो भने शुभ अंक २ रहेको छ।

कर्कट : नयाँ लगानि गर्नुभन्दा अघि अनुभवी व्यक्तिहरूसँग परामर्श लिनुहोला। कार्यस्थलमा चलिरहेको मतभेद सुल्झिनेछ। आफन्तहरूको साथ र सहयोग पाइएला। आजको शुभ रंग पहेलो हो भने शुभ अंक ४ रहेको छ।

सिंह : आफ्नो योजनाहरु गुप्त राख्नुहोस्। प्रतिद्वन्दीहरू फाइदा उठाउन सक्नेछन्। सम्पत्तिलाई लिएर वादविवाद सम्झिनेछ। माननीय जनहरूबाट सहयोग पाइएला। आजको शुभ रंग सेतो हो भने शुभ अंक १ रहेको छ।

कन्या : सरकारी सेवा वा राजनीतिमा प्रभाव बढ्नेछ। आत्मविश्वासमा कमि आउनेछ। रोजगारका नयाँ अवसरहरू फेला पर्नेछन्। आजको शुभ रंग हल्का पहेलो हो भने शुभ अंक ५ रहेको छ।

तुला : छरछिमेकीसँग वादविवादको सम्भावना रहेको छ। आफ्नो निजी कार्य भोलिलाई नटाल्नुहोस्। सकारात्मक सोचले सबैलाई प्रभावित पार्न सक्नुहुनेछ। आजको शुभ रंग बैजनी हो भने शुभ अंक ३ रहेको छ।

वृश्चिक : कार्यक्षेत्रमा आफ्नो लक्ष्यमाथि ध्यान केन्द्रित गर्नुहोस् सफलता मिल्नेछ। दाम्पत्य जीवन सुमधुर रहनेछ। रोकिएका कार्यहरू पुनः प्रारम्भ हुनेछन्। आजको शुभ रंग सेतो हो भने शुभ अंक ६ रहेको छ।

धनु : कार्यक्षेत्रमा चुनौतीहरूको सामना गर्नुपर्ला। पैसाको लेनदेनले आपसी सम्बन्धमा तनाव आउला। आध्यात्मिक र सांस्कृतिक कार्यक्रमहरूमा सहभागी भइएला। आजको शुभ रंग निलो हो भने शुभ अंक १ रहेको छ।

मकर : व्यापार व्यवसायमा टेक्निकल सुधारको आवश्यकता रहेको छ। विश्वास पात्रबाट दुःख पाइएला। वैदेशिक रोजगारमा सफलता मिल्नेछ। आजको शुभ रंग खैरो हो भने शुभ अंक ३ रहेको छ।

कुम्भ : इष्टमित्रको सहायताले अप्ठ्यारा कार्य पनि सजिलै सम्पादन हुनेछन्। कार्यक्षेत्रमा पिताको सहयोग मिल्नेछ। विद्यार्थीहरूको तर्कशक्तिमा वृद्धि हुनेछ। आजको शुभ रंग सेतो हो भने शुभ अंक १ रहेको छ।

मीन : टाडिएका इष्टमित्रहरूसँग भेटघाटले मन प्रसन्न रहनेछ। धार्मिक अनुष्ठान वा सेवामूलक कामले प्रतिष्ठा दिलाउनेछ। भाग्यको राम्रो साथ मिल्नेछ। व्यापारमा राम्रो सफलता हात लग्नेछ। आजको शुभ रंग केशरी हो भने शुभ अंक ७ रहेको छ।